THE DIOCESE OF UMZI WASE TIYOPIYA
Thina siyi Tyalike echazwa kwisivumo sokholo saseNikeya, iTyalike Enye, Engcwele, Ekatolika, yabaPostile. Ezi zezona mpawu zine ezichaza eyona tyalike yobuKatolika ekumnombo wabaPostile. SiyiTyalike ebeka inkolo(faith) ngaphezulu kwezinto zonke. Sinengqiniseko epheleleyo yokuba esona siseko seTyalike ezinzileyo yinkolo yayo. Sahlukile kwiTyalike ezininzi ezijonga ukuzinza nokukhula kwazo ngamanani. Ndiyaqiniseka ukuba owona mbuzo onawo ngowokuba ithini inkolo yethu? Mandiqale ngokuthi le nkolo yethu isisambukru okanye sisixa esinye (one package) kwaye akuvumelekile ukuba ukhethe okanye ushiye okuthile, kufuneka uyigcine yonke ngobunjalo bayo.
Inkolo yethu yileyo yachazwa ngabaProfeti bezibhalo eziNgcwele kwiTestament endala, yatyhilwa kwimfihlakalo yobuntu buka Yesu Kristu, yaza yavakaliswa ngabaPostile njengoko iqulathwe kwizibhalo ezingcwele, yaza yafundiswa kwizizukulwana ngezizukulwana kwinkulungwana ngenkulungwana ziiBishopu, ooGqira neeTitshala zeTyalike(Fathers), mfundiso okanye nkolo leyo yakhuselwa ziindibano zosixhenxe zeeBishopu zeTyakile Enye, Engohlukananga kwinkulungwana yokuqala(Seven Ecumenical Councils of the Undivided Church), le nkolo yaza yamkelwa yagcinwa okoko yiTyalike iphela ngamaKristu aKatolika kwinkulungwana yokuqala, yaza yagqithiselwa kwizizukulwana ngezizukulwana ingakhange yongezwa okanye iguqulwe kude kube yilenkulungwana yethu.
SiyiTyalike ezibona inoxanduva lokugcina, ukukhusela, nokuvakalisa lonkolo ingaguqulwanga kwaye ingaphithikezwanga. Iimpazamo zamaKrestu amaninzi ingakumbi athi akwiNkolo yaKatolika yeyoguqula okanye ukufakelela izinto kulendyebo sinayo eyi Nkolo Katolika. Eyesibini impazamo kukucinga ukuba iNkolo Katolika yileyo yamaRoma(Roman Catholic). Yeyona mpazamo okanye imposiso leyo.
Umzekelo ngulo: Thina kwinkolo yethu siyigcinile kwaye siyayifundisa ngokupheleleyo imfundiso ngoMariya uNina weNkosi yethu uYesu Kristu.
Lo mfundiso yile:-
i) Kukuba uMariya nguye uNina kaThixo ngenene(Theotokos)
ii) Kukuba uMariya uyiyo iNtombi eNyulu nasemva kokuzalwa kukaYesu Kristu
iii) Kukuba uMariya ngalo lonke ixesha lokuphila kwakhe emhlabeni wayengenaso isono
iv) Kukuba icebo lika Thixo losindiso ngathi lafezeka okanye lagqibelela ngaye
v) Kukuba uMariya wanyuselwa ezulwini ubuqu kwakunye nomphefulo wakhe ukuze abeNgumcamagusheli wethu kuThixo
Okokugqibela thina asiyahluli iNkolo yethu kunqulo kuba sikholelwa ngokupheleleyo ukuba unqulo ngumphumela wento okholelwa kuyo(So we pray, so we believe).
Ukuba ufuna ukuqhagamshelana nathi ( If you wish to contact us ):
The Diocesan Office:
PO Box 632, Port Elizabeth 6000
Tel/ Fax: 27-
Bishop Ordinary: The Rt Revd. Samuel Mzukisi Banzana
Email:mzu@imaginet.co.za
Tel: 27-
PO Box 14273, Sidwell
Port Elizabeth 6061, South Africa
Diocesan Secretary: The Very Revd. Canon Agrippas M. Gwelana
PO Box 632, Port Elizabeth, South Africa
Tel: 0827505386
Chancellor: c/o The Bishop Ordinary
